Hala patuyang!

CEBU, Philippines - Mayor Bitoy: Unsa man kahay maayong himoon sa kampanya?

Buloy: Mayor kinahanglan sa kampanya maayo ang imong marketing ug makita gyud ang imong hospitality.

Mayor Bitoy: Hehehehe, tinuod sakto ka Buloy, bright ka gyud… duna nakoy nahunahunaan nga paagi.

Buloy: Unsa ma nang paagiha mayor?

Mayor Bitoy: Aron dunay hospitality sa hospital ko una mangampanya ug ikaduha sa market aron duna koy marketing (Toink!/Aguy!)

Hehehehehehehehehehehehehe!

Kung alang sa mga kandidato sa piniliay paigmatay ang pangampanya karon oplok ang dili mopahimos pagbaligya sa iyang kaugalingon nga giklaro na sa Comission on Election nga wala nay gitawag og “premature campaigning”.

Magpabaga man gani bisan og dunay klarong mga lagda nga nagdili unsa pa kaha karon nga wala nay sabod ang bisan unsay buhaton sa mga kandidato paghungit sa ilang kandidatora sa katawhan sa dili pa ang takdang panahon sa pagpangampanya.

Sa maninglis pa “Early bird catches the worm” ana lang! ayaw la’g binisay-a kay kun ang ako ra bang abyan maoy pabinisay-on “Ang langgam nga sayo bitokon”(Toink!/Ayay!) Hehehehehehehehehehe!

(Kandidato namilit og posters sa menteryo)

Siano: Oy bay Menggoy tinud-anay na gyud ning imong pagpapili pagkakonsehal?

Menggoy: Madala pa ni’g tiaw-tiaw bay nia gani namilit nako sa akong mga posters.

Siano: Pero taympa nganong nia man ka sulod sementeryo namilit?

Menggoy: Ingon man gud ang COMELEC bay nga dunay mga patay namotar, siniguro ning ako aron dili kalimtan sa mga patay (Toink!/Tua ra!)

Hehehehehehehehehehehehehehe!

Bisan gani siguro ang mga independente nga mga kandidato o kadtong mga kandidato nga way salapi ug kaligdong lang ang gisaligan mapugos paglihok og sayo aron dili hingpit matabonan sa mga siguristang mga kandidato.

Sa kalibotan sa politika kun duna pa may kaligdong ug sinseridad nga nahibilin sa mga kandidato lisod nang mabatyagan daw sama ka sa nangita og usa ka lugas nga bas sa usa ka plangganang puno sa bas.

Ngano? Nasayod ka na og dugay ra. Sa politika unsaon man nimo pag-aninaw og tiunay’ng anghel sa giingong “dula sa mga yawa”. Makapili ka man og kasaligan, makatudlo ka man og paglaom musogot sila og sa dili pilit silang munonot sa duwa pagkab-ot sa ilang mga tinguha.

Sa laktod nga pagkasulti ning nagsugod na nga limbo sa bugnong lugaynon hala patuyang.

(Lalaki nagpalusot og peke nga 500)

Senyang: O sir peke man ni imong kwarta o dili mani nawong ni Ninoy.

Bitoy: Ha! dili na peke oy!

Senyang: Ah! Klaro ini o lain man nig nawong…

Bitoy: Ako na day dili na peke.

Senyang: O ikaw man kaha ni peke ni.

Bitoy: Dili lagi na peke ako nang sample ballot (Toink!/Aguy!)

Hehehehehehehehehehehehehehehe!

(emailad:[email protected])