Traffic education

CEBU, Philipppines - Natuki na nato ang pipila sa mga importanteng ‘cautionary traffic signs’ ug sa TIPS nga angayang buhaton sa mga motorista kun makakita niini. Karong mosunod nga mga adlaw atong tukion ang compulsory traffic signs nga sama gihapon ka importante sa cautionary signs. Ang compulsory signs direktang nagmando sa mga motorista sa pagsanong niini kay kini peligro alang sa mga motorista ug sa mga tawo o kabtangan.

Kini sagad gibutang sa traffic sign board nga palingin ug dunay uban nga ibutang sa pinabali nga triyangulo (triangle) o ba kaha octagon (eight sides).

(STOP) ug (GIVEWAY) traffic signs

 Walay motoristang wala makahibalo niining “Stop” signs ug stop signal sa mga traffic lights ingon man kini “Give way” signs. Sayon sabton apan daghan gihapong dili makamaong mosunod niini hinungdan sa mga disgrasya. TIPS: Kung duna gani gibutang nga ‘Stop’ sign sa tunga-tunga sa dalan hunong dayon sa pagpadagan kay basin og nahugmak na ang dalan sa unahan. Kining “Give way” nagmando sa mga motorista nga mohatag gyud og lugar sa ubang mga motorista ilabi na kadtong nakauna na, ang magmagahi niini sagad adto mag-abot sa insurance officers o ba kaha makabayad og danyos. (BANAT NEWS)