CEBU, Philippines - Duha ka mga kandidato sa pagka-mayor, duha sa pagka- bise mayor ug 17 ka mga kandidato sa pagka konsehal sa dakbayan sa Mandaue maoy magsangka sa umaabot nga election sa sunod tuig.
Si kanhi Konsehal Victor Biaño maoy moatbang ni Mayor Jonas Cortes nga kandidato sa Liberal Party.
Ang bise mayor ni Biaño mao si Dr. Benjamin Luage Jr., ug ang iyang mga konsehal mao si Marvin Bragat, Fernando Go, Dr. Elmer Repalda, Eduardo Cortes ug Dr. Jeff Vic Coca.
Si Biaño usa ka kanhi sakop sa konseho sa maong dakbayan ug usa usab ka sakop sa board of trustees sa Mandaue City College nga gidumala ni Dr. Paulus Canete.
Ang mga kandidato nga konsehal nga ubos sa independenteng partido maoy mga kaatbang sa line up nga mga konsehal ni Mayor Cortes sa LP kasagaran magpasubli sa ilang katungdanan.
Naglakip sa line nga mga konsehal ni Cortes sa LP mao sila si Lollipop Ouano-Dizon, Diosdado Suico, Bethoveen Andaya, Jimmy Lumapas, Editha Cabahug, Elstone Dabon, Benjamin Basiga, Jeffy Ceniza, Demetrio Cortes Jr. ug Nenita Layese. (/WC) (BANAT NEWS)