Sa kasaysayan karon - Oktubre 3, 2012

La Naval de Manila

1646—Karong petsaha gihandom sa mga Espanyol ug mga Filipino ang ikaduha nilang kadaugan sa flotilla sa Spanish Navy batok sa mga Dutch diha sa Manila Bay nga usa na karon ka pista pahinungod sa Mahal nga Birheng Maria nga “Our Lady of the Most Holy Rosary of La Naval de Manila." Ang La Naval de Manila mao ang lima ka hugna sa giyera sa mga barko tali sa Filipino-Spanish Fleet ug Dutch. Ang mga Filipino ug Espanyol adunay tulo ka Manila galleons, usa ka galley ug upat ka brigantines batok sa 18 ka barko sa Dutch nga gibahin katulo. Tungod sa grabeng danyos ug nangamatay nga Dutch misibog sila ug mipauli sa ilang teritoryo ug nawad-an og ganang sakupon ang Pilipinas.

Father of tropical medicine

1844—Namatay sa edad nga 77-anyos ang gitawag nga “father of tropical medicine” nga si Sir Patrick Manson. Siya maoy nakadiskubre pinaagi sa pagdukiduki sa hinungdan sa pagkatap sa sakit nga filariasis samtang siya naniksik sa Amoy, China niadtong 1877 hangtud 1879. Nadiskubrehan niyang usa ka matang sa ulod nga mabuhi sa lamok ang hinungdan niini. Ang maong ulod o semilya niini mobalhin sa tawo kung kini makapaak kanila. Sa iyaha usab naggikan ang hypothesis nga ang malaria gikan gihapon sa lamok nga tungod sa maong ideya nakuhaan og basehan sa ubang siyentipiko sama ni Alphonse Laveran ug Sir Ronald Ross.