Kasaysayan karon

Kaugalingnan sa PHL

1898—Naratipikahan diha sa Malolos Convention sa Malolos, Bulacan ang deklarasyon sa Kaugalingnan sa Pilipinas gikan sa mga kamot sa Espanya. Ang maong unang deklarasyon sa Kaugalingnan sa Pilipinas gihimo niadtong Enero 1899. Ang mga lider sa Katipunan sila si Andres Bonifacio, Emilio Aguinaldo ug uban pa.

Imbentor sa diesel engine na-missing

1913—Misteryosong nahanaw ang imbentor sa diesel engine nga si Rudolf Diesel gabii niining petsaha Septiyembre 29 samtang kini luwan sa steamer nga Dresden sa Antwerp sa Belgium padulong unta sa England. Si Diesel usa ka French-German engineer maoy miimbento sa internal combustion engine nga nagdala na karon sa iyang pangalan. Sumala pa padulong siya unta makigkita sa usa ka opisyal sa pabrika sa makina sa England aron tukion ang iyang planong paghimo didto og pabrika sa iyang imbensyon. Apan kalit lang siyang nahanaw sa maong barko. Paglabay sa napulo ka adlaw napalgan ang patay’ng lawas ni Diesel nga nadugta na sa dagat. Ang crew sa panagatang Coertsen igo lang mikuha sa mga importante niyang butang ug gibalik og itsa sa dagat ang lawas ug giuli kini ngadto sa banay ni Diesel nga positibong miila kaniya. Dunay pagdudang ang Germany agents maoy mipatay kaniya nga dili buot maapektahan ang negosyo nila sa gasoline, dunay ubang nagtuong aksidente lang ang hitabo.  (BANAT NEWS)