Sa kasaysayan karon - Septiyembre 27

Last standing general

1865—Gipanganak si General Miguel Malvar sa Santo Tomas, Batangas kinsa nahimong rebolusyonaryo atol sa Philippine Revolution ug Philippine-American War (1899-1914). Siya gipanganak sa Barrio San Miguel, Santo Tomas, Batangas nila ni Tiburcia Carpio ug Maximo Malvar. Si Malvar mao ang nailang katapusang heneral sa First Philippine Republic nga mitahan sa mga Amerikano (apan sa ubang historians si Simeon Ola sa Guinobatan, Albay maoy katapusang mitahan niadtong September 25, 1903). Si Malvar maoy nahimong de facto President hulip kang Gen. Emilio Aguinaldo kinsa nadakpan sa mga Amerikano ug nanumpang suportahan ang Amerika. Tungod niini gipangulohan ni Malvar isip Commander-in-Chief sa Philippine Army niadtong Hulyo 13, 1901. Si Malvar bisan sa gihingusgang kampanya sa Amerika pinaagi sa pagpanglutos, haras, pagpatay sa mga sibilyan nagpabiling malampuson sa iyang mga pagpangatake, apan niadtong Abril 13,1903 tungod sa kapin 3,000 niya ka mga sakop na ang napatay ug nagkasakit na ang uban niyang mga sakop, pamilya ug mga anak nga nagsige og kuyog sa ilang mga kampo.

Military Tribunals

1972 – Wala pay usa ka semana gikan gideklarar ang Martial Law niadtong Septiyembre 21,1972 si Presidente Ferdinand E. Marcos mipagawas sa General Order No. 12 nga naglatid sa hurisdiksyon sa military tribunals nga gimugna pinasikad sa General Order No. 3; ang General Order No 12 nagmando nga dunay eksklusibong gahom ang military tribunals sa mga civil courts. Mirason si Marcos nga kini iyang gihimo aron mahunong na ang mga krimen, kadaot sa mga kabtangan, kagubot, ug kaguliyang sa nasud nga gipaluyohan sa mga komunista.