Sales manager gisuwayan pagbanhig

CEBU, Philippines - Giswerte nga mikagar ang armas sa duha ka mga lalaking misuway unta sa pagpusil sa usa ka sales manager sa namaligya og sakyanan dihang gisuwayan unta sa pagpusil sa duha ka lalaking nagmotorsiklo pasado alas- 7 sa miaging gabii diha sa Abellana Barracks barangay Luz dakbayan sa Sugbo.

Ang biktima nailhan nga si Braulio Villalino, 36, molupyo sa maong lugar kinsa daling nakapadagan sa iyang sakyanan palayo sa mga mamumuno samtang misutoy usab ikyas ang mga gikatahapan.

Sa imbestigasyon sa kapolisan nag-parking sa iyang sakyanan ang biktima dihang kalit nga gipusil apan swerteng mikagar ang armas. Ang kapolisan misubay pa kun unsa ang motibo sa maong insidente.  (BANAT NEWS)