Smoke Free DENR hingusgan

CEBU, Philippines - Ang Department of Environment and Natural Resources (DENR)-7 mohingusog sa kampanyang 100 percent smoke free environment ang tanang buhatan niini ug sa tanang mga sakyanan sa DENR sa tibuok Central Visayas.

Matud pa ni DENR-7 Executive Director Isabelo Montejo nga ang maong palisiya gipatuman aron mamentinar ang kahimsog ug usab ang pagkaproduktibo sa mga trabahante samtang maprotektahan usab ang katawhan batok sa pagka-expose niini sa second hand smoke nga gikonsiderar nga pinakakuyaw sa dili hinigarilyo.

Ang pagpatuman niini gibase sa Civil Service Commission Memorandum Circular Number 17 series of 2009 nga nagdili sa pagpanigarilyo sa tanang dapit sa ahensya sa gobiyerno, buildings ug grounds niini gawas lamang sa mga lugar nga gihimong smoking areas.  (BANAT NEWS)