CEBU, Philippines - 1955--Niining petsaha unang natan-awan sa publiko ang labing unang televised nga commercial ug kini nahitabo sa Britanya pinaagi sa Britain ITV (Independent Television). Ang mga molupyo sa London maoy unang nabulahang nakakita niini alas- 9:12 pm nga nagpakita sa Gibbs SR toothpaste sa sulod sa usa ka blokeng ice. Ang toothpaste gipanag-iya sa AB-Pathé. Apan ang unang commercial TV station mao ang WNBT, New York nga nagsugod niadtong 1 July 1941.
Bird Flu Outbreak
2005 -- Naukay ang kalibutan sa kalit nga pagkamatay sa tulo ka mga bata sa Indonesia. Sa pagsusi sa mga tinugyanan sa panglawas, nagpakita sila og mga sintomas sa H5N1 strain sa Bird Flu virus nga usa ka matang sa Avian Flu. Ang maong matang sa sakit makuha lamang gikan sa mga langgam ug manok.
Boycott Walt Disney
1999 -- Mibahad ang Saudi Arabia sunod sa ubang mga silingang Arabong mga nasud nga i-boycott ang mga pelikula sa Walt Disney diha sa ilang nasud isip protesta sa usa ka Israeli exhibit sa millennium show sa Florida,USA nga nagpakitang ang Jerusalem maoy kabisera o capital sa Israel. Ang Jerusalem nabahin og kaduha, ang Jerusalem sa Israel ug ang Jerusalem sa mga Palestino.