Suroy-Suroy Sugbo himuong institusyon

CEBU, Philippines - Giaprobahan sa Hunta Probinsyal sa lalawigan sa Sugbo sa ikaduhang pagbasa ang ordinansa ni Bokal Arleigh Jay Sitoy sa ika-unom nga distrito sa pag-institutionalize o paghimong inila sa Suroy -Suroy Sugbo ni Governor Gwendolyn Garcia.

Kini human hatagi og katin-awan sa nahisgutang   magbabalaod sa lalawigan ang mga kauban niya sa hunta kalabot sa mga feedback sa mga mayor sa kalungsoran bahin sa nahisgutang programa.

Atol sa presentasyon ni bokal Sitoy   sa maong programa ngadto sa Provincial Board iyang gipadayag sa mga representante sa mga mayor atol sa ilang gipahigayon nga Public Hearing,   naghiusa sa pagpadayag sa ilang kaugalingon nga maayo ang resulta sa Suroy-Suroy Sugbo kay makapadasig sa mga turista pagduaw sa kalungsoran.

Matud pa ni Sitoy atubangan sa mga board members nga mitubo ang industriya sa   turismo sa ilang lungsod ug midako ang kita sa mga negosyante   gumikan sa maong programa

Gitakda   nga hingpit nga aprobahan   ang nahisgutang ordinansa human sa pipila ka mga kausaban sa   mga han-ay niini.(/WC) (BANATNEWS)