Seguridad sa mga US Embassies gipahugtan

CEBU, Philippines - Gipahugtan ang seguridad sa Estados Unidos sa tanang embahada niini sa tibuok kalibutan lakip na ang dinhi sa Pilipinas sa Manila human sa pag-atake sa mga militanteng Libyans sa konsulada niini sa Benghazi nga mikalas sa ilang ambassador didto.

Dinhi sa Pilipinas dugang security guards ug mga police special forces ingon man Philippine Coast Guard nga armado ang gibutang palibot sa US Embassy sa Manila.

Lakip sa gipahugtan ug gipabilin ang seguridad ang mga panimalay nga gipuy-an sa mga diplomats, konsulada dinhi sa Cebu City ug uban pa nga tuyong gibutang samtang nagkaduol ang anibersaryo sa September 11, 2001 terror attack.

Si Presidente Barack Obama mimando sa tanang American missions sa tibuok kalibutan nga dili magkompiyansa tungod sa nahitabo sa Libya ug sa embahada nila sa Cairo, Egypt nga giatake usab sa mga nagprotesta.

"President Obama yesterday directed an increase in security at diplomatic posts around the world, and this includes our embassy here in Manila," sumala pa sa tigpamaba sa US embassy dinhi sa Pilipinas nga si Tina Malone.

Gibutang usab sa half mast ang tanang bandila sa Amerika agi og pagbangutan sa gidangatan sa ilang ambassador sa Libya ug tulo pa ka mga diplomats didto.( /EIM) (BANATNEWS)