Caretaker napalgang patay

CEBU, Philippines - Patay’ng lawas sa 60- anyos nga libod suroy ang nakaplagan sa mga estambay diha sa barangay Poblacion lungsod sa Barili niadtong Miyerkules sa alas 5:00 sa hapon.

 Ang patay nang nakit-an mao si Rudy Quismondo, nagpuyo kaniadto sa sitio Tayong sa barangay Guimbuwangan sa maong lungsod ug caretaker sa luna apan lumad nga taga Guihulngan Negros Oriental.

Matud ni PO1 Richard Cababat, imbestigador sa Barili Police Station dihang nahinabi sa Banat News nga posibleng dunay sakit si Quismondo nga nakaingon sa kamatayon niini sanglit walay nakitang timailhang gipasipad-an kini.

Kaniadto mao kini magbalantay sa usa ka luna nga gipanag-iya sa taga dakbayan sa Sugbo, wala kini trabaho ug magpangayoan og pagkaon sa mga silingan ug sigeng makit-ang anha matulog sa merkado.(/EIM) (BANATNEWS)