Kontrata sa capitol ug CPSTA pirmahanan

CEBU,Philippines - Gikatakdang pirmahan sa Septembre 25 , 2012 ni Gov. Gwen Garcia ug sa presidente sa Cebu Public School Teachers Association ( CPSTA) nga si Dr. Oscar Romanillos ang usa ka Deed of Absolute Sale ug Memorandum of Agreement (MOA) nga naglatid nga bayran sa asosasyon ang luna sa lalawigan sa Sugbo nga nahimutang sa barangay Busay ning siyudad sa Sugbo sa kantidad nga P34 milyones.

Natakda ang maong pagpinirmahay sa maong kasabotan human sa pipila ka mga tigum tali sa CPSTA ug ni Gov. Garcia.Base sa maong kasabotan naligon nga ang 335 mil metros kwadrados nga luna bukon sa duha ka mga dagkong luna nga nganlan na og lot 1 ug lot 2 gikan sa 16 ka mga parsela niini

Saksihan ang maong pinirmahay nila ni Engr. Gavino Figuracion sa NHA7; Provincial Legal Officer. Marino Martinquilla; Capitol Consultant, Jose Ma. Gastardo ug ang presidente sa Central Nevil Homeowners Association Inc. nga si Maria Emma Laus.Sa ilang  mga miting ilang gituki ang bahin sa road network sa maong luna nga kaagian sa tanan

Samtang gihangop ni Laus ang plano karon sa gobernador nga ugmaron ang Lot 2 alang sa mga molupyo nga membro sa Central Nevil Homeowners Association Inc. nga anaa sa Busay duol sa luna nga paliton sa CPSTA. (BANATNEWS)