Mipasirit og asido

CEBU, Philippines - Gipaslak sa prisohan ang usa ka 43-anyos nga lalaking gipasanginlang mipasirit og asido sa usa ka drayber sa traysikad niadtong Huwebes sa kaadlawon diha sa sitio Mananga 2, dakbayan sa Talisay. Ang reklamante mao si Romeo Morales, 33, kinsa napaso sa iyang bukton dihang gipasiritan ni Arturo Bellosilo, kinsa giingong hubog niadtong tungora. Gikatahong nasuko ang suspek nga gibalibaran nga pasakyon ang kauban niini maong gipasiritan niya ang nawong unta ni Morales apan natapi ang kamot sa suspek ug didto nayabo sa bukton sa biktima. Ang biktima na usab ang miaresto sa suspek ug midala kaniya sa police sub-station. (BANAT NEWS)