Killers sa Indian nakita sa CCTV

CEBU, Philippines - Mga suspetsado sa pagpamusil sa usa ka Indian national niadtong Martes sa hapon diha sa Cebu South Coastal Road sa barangay Cansojong nakita sa close circuit television camera o CCTV sa usa ka gasolinahan.

Si SPO1 Mikie Espina nga nahinabi sa mga tigbalita kagahapon mibutyag nga nakuha sa CCTV sa maong gasolinahan ang mga suspetsado nga mipusil patay kang Bhupinder Singh ug nalantada ang mga nawong niini sa camera.

Nakita sa camera ang sinugdanan gyud sa wala pa pusila si Singh hangtud nga gipusil kini ug napatay.

Giingong usa ka Indian gihapon ang ilang gitutokan nga karibal sa negosyo sa biktima. Si Bhupinder uban sa iyang paryenteng si Avtar Singh nag-inom diha sa lugar dihang kalit gipusil. (BANAT NEWS)