Gipatol nalumos

CEBU, Philippines – Patay nang nakit-an nga naglutaw lutaw sa sapa ang 31 anyos nga manghimoay og bukag didto sa barangay Tubod sa lungsod sa Sibonga niadtong Miyerkules sa alas 8:00 sa buntag. Ang napalgang patay mao si Feliciano Gripo, 30, taga barangay Candangpas lungsod sa Barili ug ang pagpamuhat og bukag ang pangita.

Ang tanod nga si Renio Quinto, maoy nakadiskobri sa patay’ng lawas niini nga naglutaw na sa sapa ug gidudahang gipatol kini ug nalumos.

Matud ni SPO1 Jason Oyangorin sa Sibonga Police Station dihang nahinabi sa Banat News ang amahan ni Gripo nga si Severino nananghid sayo sa buntag ang anak nga maligo sa sapa sa Salog. Apan nakugang na lang sila dihang ilang nahibaw-an nga patay na kining nakit-an. Giangkon sa amahan nga patulon ang anak ug gidudahan nilang giatake kini sa sakit ug walay nakatabang. (EIM) BANAT NEWS