Luna sa lalawigan paliton

CEBU, Philippines – Gikatakdang paliton sa usa ka asosasyon sa mga magtutudlo ang luna nga gipanag-iya sa lalawigan sa Sugbu diha sa bukirong bahin sa barangay Busay sa dakbayan sa Sugbo.

Una pa niini magpinirmahay una ang lalawigan sa Sugbo pinaagi ni Gov. Gwendolyn Garcia ug presidente sa Cebu Public School Teachers Association kon CPSTA nga si Dr. Oscar Romanillos sa usa ka Deed of Absolute Sale and Memorandum of Agreement karong 25 sa Septiyembre.

Ang maong luna gikatahong paliton sa kantidad nga P34 milyones. Sa unang kasabotan may gilapdong kapin sa 335 mil metro kwadrado ang maong luna apan buakon kini ngadto sa duha ka bahin.

Atol sa tigom tali sa mga stakeholders uban ni Garcia ang mga kadagkoan sa nahisgutang asosasyon, Engr. Gavino Figuracion sa NHA-7; Provincial Legal Officer Atty. Marino Martinquilla; Capitol Consultant Atty. Jose Ma. Gastardo ug ang presidente sa Central Nevil Homeowners Association Inc. nga si Maria Emma Laus.

Gituki usab atol sa maong tigum ang road network sa maong luna aron kaagian kini sa tanan. (EIM) BANAT NEWS