CEBU, Philippines – Gipahimangnoan ni Deputy Chief for Administration Chief Supt. Samuel Yordan ang 167 ka mga bag-ong migradwar sa PNP- Scouts nga dili sila mahisama sa tulo ka trainors nga gikatahong mimaltrato o hazing sa mga recruits.
Matud pa ni Yordan nga aduna man gyuy pipila ka mga graduates karun nga mobalik unya isip usa na ka instructor diin unta dili sila mahisama sa tulo nga gipasanginlang nagmaltrato sa dose ka mga recruits.
Gihulagway ni Yordan nga ‘not healthy’ ang migawas nga mga balita nga adunay mga recruits nga gimaltrato. Niadtong milabay’ng bulan sa Hulyo tulo ka mga police trainors ang gireklamong mimaltrato sa ilang mga trainees.
“Time will come some of you will comeback to this ground and act as instructors to the new recruits by that time what they have experience, wrong experiences that they have and it should be a lesson for them na hindi nila ipa-experienced sa next na nilang e- handle, and one of those is maltreatment its not healthy,” pasabot pa ni Yordan.
Tungod kay ila karun nga gipangusgan mao man ang pagwala na nianang mga maltratong lihok.
Dugang pa ni Yordan nga dili palabian ang paghatag og silot ngadto sa mga recruits ilabi na ang physical nga silot.
“Sana ma-stop gyud na natong maltreatment sa atong mga trainees it’s the thing of the past na ‘yung physical punishment,” matud pa ni Yordan.
“Ang effort gyud nato sa organization is to stop maltreatment,” dugang pa niini.
Ang maong nga bag-ong polis gipaubos sa anti-insurgency course aron pag-andam kanila kontra insurhensiya. (EIM) BANAT NEWS