Suspek sa pagpamusil nadakpan

CEBU, Philippines – Usa ka 26-anyos nga lalaki nga gitumbok nga mipusil patay sa usa ka batan-on sayo ning tuiga diha sa barangay Tabunok sa dakbayan sa Talisay.

Ang nadakpan niadtong Martes sa gabii diha sa ilang balay sa sitio Bliss, barangay Lawaan III, dakbayan sa Talisay mao si Maldwin Cabusas.

Si Cabusas maoy suspek sa pagpusil patay kang Isaias Cabanig niadtong buwan sa Marso niining tuiga diha sa sitio Mananga I samtang gipangita pa gihapon sa kapolisan ang kauban niini nga si Joshua Tabera nga taga barangay Lawaan III ug laing duha pa ka mga kaubang wala mailhi.

Ang pagkadakop kang Cabusas pinasikad sa warrant of arrest nga giluwatan ni Regional Trial Court (RTC) Judge Gilbert Moises sa Branch 18.

Samtang si Tabera usa usab sa gitumbok nga suspetsado sa pagpusil angol kang PO3 Arnold Damasco niadtong buwan sa Hulyo niining tuiga. (EIM) BANAT NEWS