Vintage bombs nakuykuyan

CEBU, Philippines – Lima ka mga vintage bombs ang nakawtan dapit sa dagat sa mga molupyo sa sitio Kintolimbo, barangay Pooc, dakbayan sa Talisay kagahapon sa buntag.

Usa sa maong vintage bomb mao lang ang nakuha dihang si Kapitan Dory Emit mimando nga ipahunong ang gipahigayong pagkawot niini.

Ang kapitan daling mitawag sa kapolisan sa siyudad aron mopadala og sakop nga mo-secure sa nahisgutang mga bomba.

Si Emit nagkanayon nga duna pay laing upat ka mga vintage bombs ang nakit-an apan ilahang gitugyan sa mga polis ang pagkuha niini.

Ang kapitan nabalaka nga kung ipadayon ang pagkawot sa yuta posibleng dunay mobuto nga bomba ug daghang maamong.

Kahinumduman nga ubay-ubay nang mga vintage bombs ang mga napalgan diha sa kabaybayonan ug uban pang lugar sa Talisay.

Ug gani diha sa Lagundi Reef sa barangay Poblacion kaniadto ubay-ubay ang na-recover nga mga vintage bomb sa mga diver kinsa mipahigayon og pagpanglimpiyo sa maong lugar.

Ang mga vintage bombs giingong mobuto kini kung masagol ang kemikal bisan pa kun pila na kini ka tuig ug bisan pa usab og naputos na sa taya ug bangag ang kapsula nga gisudlan niini. (EIM) BANAT NEWS