Provincial buildings giinspeksyon human sa linog

CEBU, Philippines – Human masinati sa lalawigan sa Sugbo ang 7.6 magnitude nga linog nga miigo didto sa may Eastern Samar niadtong Biyernes, Agosto 31, ang Provincial Engineer's Office mnipahigayon dayon og inspeksyon sa tanang mga edepisyo nga gipanag-iya sa kagamhanan sa lalawigan sa Sugbo.

Sumala pa ni Engr. Adolfo Quiroga ang hepe sa Provincial Planning and Development Office ug kasamtangan nga pangulo usab sa Provincial Engineering’s Office nga gisugdan na nila ang pagsusi kung walay nangliki nga mga edipisyo o imprastraktura.

Unang gisusi ang edepisyo kaniadto sa Cebu Provincial Detention and Rehabilitation Center kon CPDRC karon mao na ang Museo Sugbo human siya makadawat og taho nga may miliki nga bahin sa nahisgutang building.

Gisusi usab ang Cebu International Convention Center sa dakbayan sa Mandue, Cebu Cultural Center sa UP Cebu Campus ug legislative building.

Hinuon gitataw wala pa siyay nadawat nga report kung dunay dagkong kadaut sa gisusi nilang mga buildings nga angayan nga ikaalarma. Dugang pa niini nga   nagpabiling lig-on ug luwas ang mga dagkong mga edepisyo nga gipanag-iya sa probinsiya sa Sugbo. ( EIM) BANAT NEWS