Bakuna vs Meningitis

CEBU, Philippines - 2006— Giturok ngadto sa mga masuso nga nag-edad og duha ngadto sa 13 ka bulan ang labing unang bakuna batok sa usa ka matang sa sakit nga meningitis sa nasud sa Great Britain isip kabahin sa ilang national childhood immunization program. Ang bakuna maoy proteksyon sa mga bata batok sa sakit nga pneumococcal disease nga sinugdanan sa meningitis ug septicaemia, nga seryosong impeksyon. Sa 100 ka batang walay bakuna ug mataptan sa maong sakit 20 porsiyento kanila ang mamatay, ang mo-survive tibuok kinabuhing may brain damages, pagkabungol ug patolon.

Nahilig sa Buaya

Ang sikat kaayo natong tan-awon sa cable television nga environmentalist nga si Steve Irwin, ang tawong gibansagang "Crocodile Hunter" namatay samtang naghimo og film kabahin sa mga makitang kinabuhi ilawom sa kadagatan sa Australian Great Barrier Reef. Wala siya mamatay sa pagpanakop og mga buwaya ug bitin, namatay siya dihang aksidenteng natuslokan sa “binsol” o tunok sa ikog sa pagi diha sa iyang dughan. Si Irwin nabantog tungod sa walay kukahadlok niyang pagsungasong sa mga dapit nga diin ang mga bangis lang nga mga mananap maoy namuyo aron edukaron ang publiko kabahin sa maong mga mananap.

Ika-11 nasud sa SEA

Mibotar ang mga East Timorese (Timor Leste) pinaagi sa usa ka referendum sa ilang pagbuwag gikan sa pagdumala sa nasud sa Indonesia. Ang East Timor nga opisyal nga mideklarar sa ilang kaugalingnan gikan sa Indonesia maoy ika-onse nga nahimong nasud sa South East Asia niadtong May 20, 2002. BANAT NEWS