CEBU, Philippines - Pagtangtang kang Yogi Filemon Ruiz isip regional director sa Philippine Drug Enforcement Agency (PDEA) nakapaduda kaniya nga may kalambigitan kini sa wala niya paghatag og pabor sa hangyo sa usa ka politikong pamilya.Sumala pa sa mga kasaligang tinubdan nga ang maong pamilya miawhag sa PDEA6 nga rondahon tungod sa illegal drugs ang mga igsuon sa ilang kaatbang sa politika nga usa usab ka impluwensyadong political clan sa Iloilo.Giingong notadong mga drug users ang maong managsuon apan sa gihimong subsob nga pagpaniid sa PDEA mitumaw nga wala sila namaligya og ilegal nga drugas.Apan bisan pa man sa pamahayag sa PDEA gikatahong namugos ang maong pamilya nga ‘plantingan’ og ilegal nga drugas ang duha ka managsuon apan kusganon kining gibalibaran ni Ruiz ug mao kini karon ang hinungdan sa pagdudang posibleng gitangtang si Ruiz tungod kay kaalyado sa kasamtangang administrasyon ang maong politikoSi Ruiz makigbaylo og pwesto sa direktor sa PDEA-ARMM sa Mindanao nga si director Edwin Layese, kinsa bana ni Passi City Councilor Aura Landar-Layese nga usa ka retiradong Army colonel.Dihang gipangayoan og dugang komento si Ruiz kini namahayag nga may bulok politika ang iyang pagkabalhin. (EIM) BANAT NEWS