DSWD ug ang tabang para Habagat

CEBU, Philippines - Ang Department of Social Welfare and Development sa rehiyon (DSWD-7) nakadawat og P17,330 ug uban pang mga hinabang ug donasyon gikan sa nagkadaiyang organisasyon, ahensya sa goberno ug indibidwal alang sa biktima sa Habagat sa Metro ManilaUsa sa resorts sa Sugbo mi-donate og ginamit na nga mga sapot, ginamit na nga tualya, lain-laing parisan sa mga tsinelas ug sandals, lain-laing parisan sa mga native hats ug bag-ong underwears sa mga babaye nga nagkantidad og P9,030. Atol sa ika-upat ka semanang panagtigom sa "Task Force Tabang for Habagat victims in Luzon" dinhi sa syudad sa Sugbo, ang mga membro midasig sa ilang tagsa-tagsa ka mga opisina sa pag-donate alang sa panginahanglan sa mga apektadong katawhan tungod sa bag-ohay lang nga miigong bagyo didto sa amihanang Luzon. Si Mayor Michael Rama sa syudad sa Sugbo miawhag sa tanan sa pagpadayon sa maong programa ug usab magkahiusa sa pagtabang pa sa mga tawo kung pananglit aduna pay umaabot nga mahitabong nagkadaiyang kalamidad.Nadiskusyunan usab ang kalabot sa pag-usab sa pangalan sa grupo gikan sa pagka "Task Force Tabang" ngadto sa pagka Regional Development Council Quick Response Team (RDC-QRT) sanglit ang mga membro niini anaa man sa Regional Development Council sa rehiyon.Sa susamang kalambuan, ang Cebu Provincial Government mitumod og duha ka 20-footer container vans via Phil Span Asia Carrier ngadto sa probinsya sa Laguna ug upat ka 20-footer container vans ngadto sa National Disaster Risk Reduction Management Council (NDRRMC) nga puno sa nagkalain-laing pagkaon ug mga supaly alang sa biktima sa katalagman.Ang probinsya usab miturn-over ngadto sa DSWD og 17 ka sako sa nagkalain-laing ginamit na nga mga sapot ug kasangkapan sa pagkaon ug usab mga de-latang pagkaon gikan sa drop-in center sa Kapitolyo courtesy sa Provincial Employees Association of Cebu (PEACE). Ang DSWD-7 magpadayon sa pagdawat og mga donasyon ug magpadayon usab sa pagtrabaho pag-ayo aron sa paghatod gilayon sa tanang hinabang ngadto sa Metro Manila.(WC ) BANAT NEWS