7 anyos nadasmagan sa motor grabe

CEBU, Philippines - Tandugon ang kahimtang sa usa ka 7 anyos nga batang lalaki human kini dasmagi sa usa ka motorsiklo didto sa barangay Bonbon, lungsod sa Aloguinsan kagahapon sa alas 7:00 sa buntag.Ang biktima mao si John Curt Abendan, 7, nagtungha sa Grade 1   sa Bonbon Elementary School ug nagpuyo sa maong lugar.

Samtang ang nakadasmag kaniya mao ang motorsiklong pasaheroan nga gimaneho ni Roel Ramil, 32, minyo ug silingan ra usab sa biktimaSi PO2 Rolly Navarro, desk officer sa Aloguinsan Police Station mibutyag sa Banat News nga ang biktima naglakaw daplin sa karsada paingon sa klase, dihang kalit kining gidasmagan sa motorsiklo nga gisakyan usab sa laing estudyante paingon sa eskuylahan.Ang biktima nga nahagba sa karsada nabulit sa mga pangos   ug mga bun-og ang lawas ug gihatud dayon   ngadto sa   Pinamungajan District Hospital.Samtang ang drayber nga suspetsado mitahan usab ngadto sa kapolisan ug gibalhug dayon sa prisohan.Sumala sa suspetsado nga wala siya makakontrolar sa iyang dagan dihang kalit nga milabang sa karsada ang biktima.(WC) BANAT NEWS