CEBU, Philippines – Gibuksan na kagahapon sa buntag ang pagsaulog sa Broadcasters Month pinaagi sa usa ka parada nga nagsugod sa Plaza Sugbo sa Cebu City Hall ug didto natapos sa gymnasium sa Cebu Technological University (CTU) Cebu City Campus diin gipahigayon usab ang Santos nga Misa.
Ang Kapisanan ng mga Brodkaster ng Pilipinas (KBP)-Cebu Chapter mihingusog sa pagpanalipod sa kalikopan sa ilang tema karong tuiga.
Moabot ngadto sa gatosan ka mga staff, magsisibya sa radyo ug telebisyon dinhi sa Sugbo ang naghugop sa pagsalmot sa maong kalihukan.
Ang presidente sa KBP-Cebu Chapter nga si Marlon Baula sa Hot FM ug Easy Rock misaysay nga sa umaabot nga mga adlaw madungog na sa nagkadaiyang sibyaanan ang subsob nga kampanya sa pagprotektar sa kalikupan.
Kahinumduman nga gihagit kaniadto sa usa ka inila nga environmentalist nga si manlalaban Antonio Oposa Jr., ang KBP-Cebu Chapter nga moabag sa kampanya alang sa kalikupan.
Matud pa niini nga ang media usa ka instrumento aron masayod ang katawhan sa estado sa ilang palibot.
Nagbaha usab ang mga kalihukan sa KBP karong buwana alang sa mga disc jockey, technician, maninibya ug uban pa.
Gikatakda usab nga mosalmot ang KBP sa umaabot nga Press Freedom Week sa hinapos nga bahin karong buwana. (EIM) BANAT NEWS