Tindahang nag-abang sa building sa mga Loot gikawatan

CEBU, Philippines – Wala palabya sa mga kawatan ang negosyo ni Daanbantayan Mayor Maria Luisa Loot   human gilungkab kini niadtong Biyernes sa kaadlawon diha sa barangay Poblacion atol sa ilang kapistahan.

Ang Sun Power Appliance Center gisulod sa mga kawatan ug gisakiyo ang P70 mil gikan sa cashier’s box nga nadiskubrehan sa private secretary ni Loot nga si Janice Dublin kinsa mao nay mipahibalo sa kapolisan.

Base sa imbestigasyon sa Daanbantayan Police Station pinangulohan ni Chief Insp. Jose Lidawwa Jr. posibleng nahitabo ang pagpangawat nianang kaadlawon samtang sadya ang palibot tungod sa pista.

Diha miagi sa atop ang mga kawatan pinaagi sa pagbuslot niini tungod gyud sa cashier’s area diin gihipos ang maong kwarta. Si Loot nga nahinabi sa Banat News miklarong dili ila ang maong establisemento apan silay nagpaabang sa maong building. (EIM)BANAT NEWS