x Ni Edwin Ian Melecio

Philippine Commission

1901—Gitudlo sa presidente sa Estados Unidos nga si William McKinley ang labing unang mga Filipino nga sakop sa Philippine Commission nga maoy mopatuman ug mopanday og mga balaod nga haom sa mga Filipino apan limitado sa gahom nga iya sa ehekutibo. Ang maong balay-balauranan maoy nahimong bicameral Philippine Legislature nga may gibotarang nahimong sakop sa Philippine Assembly nga mibarog nga Ubos Balay balauranan. Niadtong 1916 ang Philippine Commission giwagtang dihang napasar ang Jones Act ug giilisan kini og Senado.

Titanic nakit-an sa dagat

1985—Nakit-an ilawom sa kadagatan sa North Atlantic ang nalunod nga RMS Titanic nga usa ka British luxury liner nga nalunod niadtong Abril 15, 1912 human makadasmag og iceberg. Ang maong aksidente mikalas og 1,513 ka tawo. Kini nahitabo 400 milya sa silangang bahin sa Newfoundland sa North Atlantic. Ang Titanic gikan sa Southampton, UK padulong unta sa New York sa labing una niining biyahe. Tungod sa gidak-on niini nga maoy naghimong labing dakong barko nga nahimo nianang mga panahona gipanghambog kini sa tag-iya nga ‘unsinkable’ o dili gyud malunod. Apan nasayop kini tungod kay karon atoa na sa 12,415 ka tiil (3,784 metros) nga giladmon sa North Atlantic ang Titanic.

Princess Diana

1997 –Gipagawas sa mga imbestigador ang pasiunang resulta sa imbestigasyon kabahin sa pagkaaksidente sa gisakyang awto ni Princess Diana nga nag-ingong ang drayber niini nga si Henri Paul hubog niadtong tungura. Sumala pa miabot sa 120 mph ang dagan sa sakyanan dihang kini naaksidente sa Place d'Alma underpass sa Paris niadtong Agosto 31,1997.