Ang Kasaysayan- Agosto 31

Ramon Magsaysay

1907—Gipanganak ang ikatulong presidente sa Pilipinas nga si Ramon Magsaysay sa Castilleros, Iba, Zambales. Iyang gipildi sa eleksyon sa pagkapangulo sa nasud si Elpidio Quirino ug nahimo niyang bise president si Carlos Garcia. Si Magsaysay nahimong popular sa mga Filipino tungod sa mga programa niini nga nakapabalik sa pagsalig sa mga tawo sa gobiyerno. Siya usab ang nangusog aron puhagon ang komunistang Hukbalahap. Namatay si Magsaysay sa usa ka plane crash sa Mt. Manunggal, sa Cebu niadtong Marso 17, 1957.

Multi-organ transplant

1968—Natigayon ang labing unang simultaneous multi-organ transplant diin upat ka tawo ang gihatagan sa nagkadaiyang parte sa lawas sa usa ka babayeng namatay tungod sa pagpamusil. Ang maong operasyon gipangulohan ni Dr. Michael E. DeBakery sa Houston. Duha ka mga kidney, usa ka bahin sa baga ug kasingkasing ang gikuha gikan sa bag-ohay pang namatay nga 20-anyos nga babayeng napusilan. Upat ka mga pasyenteng nag-edad og 50, 39, 41 ug 21-anyos ang gibalhinan sa maong mga organs sa babaye diha sa Methodist Hospital, Houston, Texas. Gilangkuban og 60 ka mga doktor, nurses ug support personnel ang lima ka team nga miopera.

Lunar auto

1971—Si Dave Scott maoy labing unang tawo nga nakamaneho sa unang awto didto sa bulan. Ang battery-powered Lunar Rover (LRV) gidala sa Apollo 15 mission sa bukirong bahin sa Hadley-Apennine region. Ang maong LRV hinimo sa Boeing nga may gibug-atong 209 kilo apan mahimong piloon aron maarang sa 5 ft by 20 pulgadas nga compartment sa maong spacecraft.