Naghubog hangtud namatay

CEBU, Philippines - Usa ka kanhi panadero ang naghubog hangtud namatay tungod sa pagbiya sa iyang asawa atubangan sa iyang gitrabahoan diha sa dalan Tomas Abella barangay Taboan pasado alas-5 sa kaadlawon kagahapon.

 Ang lalaki gibanabanang nagpangidarun sa 60-anyos, kanhi panadero ug lumad nga taga barangay Obong lungsod sa Dalaguete. Gikompirmar pa sa kapolisan ang pangalan niini nga kini si Eddie Heredia.

 Ang mga sakop sa Emergency Rescue Unit Foundation daling misusi niini nga nagbuy-od na sa agianan ug nagkadugo na ang ilong ug dunggan apan nasutang patay na kini.

Sa pakighinabi sa Banat News ni SPO1 Ruth Violanggo sa Cebu City Police Office, Homicide Section mibutyag nga dunay nakasulti kanilang uwahi kining nakit-ang buhi pwerteng inom og bino ug hubog na kaayo. Giingong gibiyaan kini sa asawa. (BANAT NEWS)