Mibaligya'g gubaong cellphone gipatay

CEBU, Philippines - Tungod sa gibaligyang gubaong cellphone usa ka batan-on ang gipusil patay sa gibaligyaan niya niini kagahapon sa hapon sa Ermita Proper sa barangay Ermita dakbayan sa Sugbo. Ang biktima nailhan lang sa alyas nga “Kevin Scorpion,” gibanabanang 20-anyos samtang ang suspetsado nailhan lang usab sa ngalang “Botchoy.”

Si SPO1 Ruth Violango ang team leader Cebu City Police Office Homicide Section sa maong kaso misaysay sa Banat News nga sa una niini nagkatinubagay ang suspek ug biktima ug nagkasinukmagay.

Ang suspek mibiya ug sa pagbalik niini kalit nga gipusil ang biktima duha ka higayon sa ulo ug sa tiyan ug miikyas human sa hitabo.

Ang biktima gipasanginlan sa suspek mibaligya kaniya og gubaon nga cellphone. (BANAT NEWS)