Pasigarbo sa Sugbo malampuson

CEBU, Philippines - Malampuson ang mabulokong pasundayag   sa Pasigarbo sa Sugbo didto sa Cebu International Convention Center (CICC) sa dakbayan sa Mandaue kagahapon.

Ang maong kalihokan nga gisaksihan sa kagatosan ka tawo  kabahin pa sa ika -443 ka tuig nga kasaulogan sa Founding Anniversary sa lalawigan sa Sugbo.

Ang mga contingent nga misalmot sa Pasigarbo sa Sugbo naggikan sa nagkalainlaing lungsod sa lalawigan.

Sa pagsulat ning balita wala pa mahuman og hagpat sa mga evaluator kinsay mananaog sa tanang misalmot sa indigay sa sayaw nga maoy naghatag og dugang bulok sa maong kalihokan.    - BANAT NEWS