Nangawat og bugas sikop

CEBU, Philippines - Unom ka tawo ang gidakop human masakpi sa akto nga nangawat og 14 ka sako sa Vietnam rice niadtong Miyerkules sa gabii diha sa may North Reclamation area sa dakbayan sa Mandaue .

Ang unom giilang sila si Roger Mardiqio, 42, taga Cadiz Negros, Oriental ug driver sa usa ka trucking service; ug iyang mga truck boy nga sila si Dizon Rosal, 31; Bert Sagani Gomez, 38; Gaspar Mabaican, 31; Albino Macapaz, 35; ug Junifer Osabel, 35. Usa ka Kim Lim nga magpapatigayon og bugas ang mireklamo kabahin sa pagpangawat sa iyang mga bugas ug inabagan sa agalon sa mga suspek nailhan sila ug nadakpan.

Ang grupo nila ni SPO1 Gerson Entice daling misikop sa grupo samtang sila nagdiskarga sa maong mga bugas diha sa atubangan sa usa ka resto bar sa reclamation area ( /EIM)   - BANAT NEWS