Painting exhibit sa CICC gibuksan

CEBU, Philippines - Pormal nga gibuksan ni Governor Gwendolyn Garcia ang exhibit sa mga painting sa Portrait Society of the Philippines (PSP) didto sa Cebu International Convention Center (CICC) sa miaging   Martes.

Uban sa gobernador sa maong pagbukas niini mao sila si 3rd District Cong. Pablo John “PJ” Garcia, PSP President Jun Impas, ug mga mayor sa kalungsoran sa lalawigan sa Sugbo.

Gipasabot ni Impas nga ang ilang tumong sa maong exhibit mao ang pag-promote o pagpaila sa mga produkto sa mga painting artist ilabina nga Sugbuanon ug sa mga Bisaya.

Sa maong exhibit makita ang mokabat sa usa ka gatos ka mga painting sa mga nagkadaiyang artist sa Pilipinas.

Si Impas mapasalamaton kaayo sa makanunayong suporta ni Governor Garcia  sa ilang grupo.

Samtang iyang giawhag ang publiko sa pagbisita sa CICC ug sa pagsud-ong sa ilang mga painting. (BANAT NEWS)