Vidal ngadto ni P.Noy: Di siya ang Diyos
CEBU, Philippines - Dili siya Diyos. Kini maoy pamahayag ni Cebu Archbishop Emiritus Ricardo Cardinal Vidal kabahin sa dayag nga pagsuporta ni Presidente Benigno Aquino III sa Reproductive Health (RH) Bill nga nakita sa pangulo nga makatabang pagsulbad sa kapobrehon.
“Well, that is his opinion. He (Aquino) is not the Lord after all. It is the Lord who holds the life and death,” matud pang Vidal human sa ground-breaking ceremony sa templo sa gikatakdang ideklarar nga ikaduhang Pilipinong Santo nga si Pedro Calungsod, diha sa South Road Properties.
Human sa paniudto ni Aquino uban sa mga kongresista niadtong milabay’ng adlaw, si Cardinal Vidal gikuyogan usab sa 40 ka mga kongresista diha sa panimalay niini sa Wack Wack Subdivision sa Mandaluyong City alang sa usa ka panihapon.
Sayo pa niini, si Aquino nanawagan sa mayoriya sa mga magbabalaod nga paadtuon sa Malacañang ug kini gisanong sa 182 ka magbabalaod aron suportahan ang dinaliang pagputol sa debate sa maong balaudnon.
“Only 40 came, that’s only I can afford. They came and I offered them dinner but I did not plan it,” pagklaro pa ni Vidal apan wala silay gituki nga isyu sa mga magbabalaod.
“I hope they will be enlightened so that they will tell the truth and follow the truth,” mao ray mensahe sa Cardinal ngadto sa mga magbabalaod.
Ang Ubos Balaybalauranan sayo mitapos sa debate sa RH Bill sukwahi sa gituohan sa simbahan nga malangay pa kini og maayo tungod sa kadaghan sa supak.
“We thought that we could prolong the debate. I don’t know what happened with the call of the judgment of the Palace and the Congress people. When they (the 40 representatives) visited me last night, they were surprised that some really changed,” matud pang Vidal. (BANAT NEWS)
- Latest
- Trending
