CEBU, Philippines - Subsob karon ang operasyon sa mga awtoridad aron madakpan pagbalik ang 12 ka mga binilanggong nakaeskapo gikan sa usa ka prisohan sa Ozamis City niadtong Domingo atol sa pagbunok sa kusog nga uwan.
Ang kapolisan ug ang Bureau of Jail Management and Penology nga maoy nagdumala sa maong bilanggoan milusad na og search operations batok sa maong mga kriminal nga giingong migabas sa mga kabilya sa maong prisohan ug nangeskapo.
Mag-atubang karon og imbestigasyon ang jail warden sa maong bilanggoan lakip na ang mga duty jailguards nianang adlawa. (BANAT NEWS)