Polis nag-motor nalamba angol

CEBU, Philippines - Talandugon karon   ang kahimtang sa usa ka polis human kini malamba sa karsada samtang nagsakay sa iyang motorsiklo   sa South Road Properties (SRP) sa miaging buntag.

 Ang biktima mao si SPO2 Condrado Rocamora, hingkod, ug kasamtangang nadestino sa Cebu City Police Office.

Sa pakighinabi sa Banat News ni Manuel Tagaan, sa City Traffic Division nasuta nga samtang nagpaingon ang biktima paingon sa trabaho gikan sa habagatan nasangit kini sa kahoy nga nagbabag sa karsada hinungdan nga misaliring ang iyang motor ug nasalibay siya sa karsada nga maoy hinungdan sa nahiaguman niyang mga pangos ug piang sa lawas.

Ang biktima kasamtangang gitambalan sa Chong Hua Hospital kinsa gituohan ni Tagaan nga posibling kusog ang pagdagan niini sa iyang motorsiklo. (BANAT NEWS)