Coalition sa BOPK ug KUSOG hanap

CEBU, Philippines -  Gitataw ni kanhi kapitan Joel Garganera ug karon konsehal sa Barangay Tinago nga hanap ang posibilidad nga magkauli ang Kugi Uswag Sugbo (KUSOG) ug ang Bando Osmeña Pundok Kauswagan (BOPK).

Matud pa ni Garganera nga ang pamahayag ni manlalaban Raymond Garcia nga bukas kini sa posibilidad nga magkauli ang maayong kabubut-on nila ni Kongresista Tomas Osmeña usa lamang ka opinion.

Si Garganera kinsa loyal nga supporter sa KUSOG nagkanayon nga siya mismo dakong supak sa maong ideya ug iyang gipahibalo nga kasagaran sa mga kaubanan niya sa KUSOG lig-ong mga supporter ni Mayor Michael Rama.

Nagkanayon si Garganera nga nagpaabot lang sila nga tigomon ni kanhi Mayor Alvin Garcia ang mga sakop sa KUSOG

Gipasabot ni Garganera nga una mahitabo ang giingong coalition sa BOPK ug KUSOG mag-una gyud ang konsultasyon sa mga sakop niini. Nasayran nga usa sa mga prominente nga sakop sa KUSOG mao ang loyal nga supporter ni Rama nga si Kapitan Jose Navaro sa Barangay Punta Princesa.

Pipila sa mga sakop sa KUSOG nga mao sila si Kapitan Jerry Guardo sa Sambag 1 ug si konsehal Mary Ann delos Santos sa Lahug mokandidato sa pagka-konsehal ubos sa Team Rama sa umaabot nga election.

Midugang si Garganera nasuta nila ang kalig-on karon sa Team Rama itandi sa grupo ni Osmeña. (BANAT NEWS)