Sa Kasaysayan Karon

HULYO 24

Mikulit sa UP Oblation

1890—Gipakatawo ang national artist nga si Guillermo Tolentino sa Malolos, Bulacan. Siya mao ang mikulit sa pamosong estatwa nga makita sa University of the Philippines nga gitawag og UP Oblation ug ang sikat nga Bonifacio Monument sa Caloocan City.

Unang Cape Canaveral launch

1950—Niining petsaha nahitabo ang labing unang malampusong rocket launch sa Estados Unidos sa karon Cape Canaveral launch site sa National Aeronautics and Space Administration (NASA). Gamit ang nasakmit nga V-2 Rocket gikan sa napilding German Nazi niadtong 1945 World War II.Inabagan sa mga dinakpang German Nazi rocket scientists nga wala iapil sa gipangkasuhan og war crimes napalupad sa US ang Bumper 8 nga gisumpayan og 700-pound Army-JPL Wac Corporal rocket sa tumoy. Kini diha gipalupad sa Long-Range Proving Ground sa Cape Canaveral.

Machu Picchu

1911— Nadiskubrehan sa Amerkanong archeologist nga si Hiram Bingham ang dugay nang gipangitang Machu Picchu, ang karaang bakasyonan sa mga hari ug hara sa Inca diha sa nasud sa Peru. Ang maong dapit usa na karon ka tourist destination nga dunay 300,000 ka mga moduaw nga turista matag tuig. Kini natabunan sa mga dagkong kabukiran ug batuhong agianan diha sa Cuzco. Ang Inca mao ang unang mga namuyo ug naghari sa South Amerika apan nahurot sila pag-abot sa mga Espanyol tungod sa giyera ug sa dalang sakit sa mga katsila nga walay tambal sa mga nitibong Inca.