Snickophobia

Nagngise ko nga nagbasa sa usa ka text message gikan sa akong tigpaminawan nga nagpatambag og problema sa segment ni Inday Miguel nga nag-ulohan og “Soloha ang imong suliran” sa tulomanong Rated R sa DYAB 1512 Abante pa Bisaya nga karong tuiga Diyes ug Siyete na Abante Pa.

Tinuod man o sa dili makalingaw ang iyang problema mahitungod sa iyang asawa.  

Ang iyang asawa sumala sa iyang gihulagway nga problema dunay snickophobia. Ang snickophobia nagpasabot og sawan sa brip ug panti kon kahadlok pag-sul-ob og underwear (Toink!).

Nahinumdom lang ko sa komedya sa lumad daw nga binisaya sa brip ug panti.

Buloy: Unsa may binisaya anang brip ug panti Toy?

Bitoy: Ang brip Pansapbiyog, ang sa panti pansaphi.

Buloy: Unsay pansapbiyog?

Bitoy: Panapton sapnay sa molabiyog (Toink!)

Buloy: Ang pansaphi?

Bitoy: Panapton sap-ong agianan sa ihi (Aguy!)

Hehehehehehehehehehehehehe!

Gipaambit naku ning maong sugilanon sa atong lindog tungod kay nasipyat man gud ko paghisgot sa programa nga brip lang ang gikahadlokan sa iyang asawa. Hasta diay sa panti dili sab mosul-ob ang iyang asawa (Toink!/Aguy!).

Suma total duna gyuy snickophobia ang iyang asawa.

Sa ato pa kun duna may mga tawo nga wala magsul-ob ining maong matang sa nihit nga sapot(Aguy!), duha ang posebling hinungdan. Kun dili snickophobia posebling gialimot-an lang (Toink!/Ayay!) Hehehehehehehehehehe.

Kun ngano nga dunay mga tawo nga nagbaton og tumang kahadlok sa usa ka butang dili mapasabot sa usa lang ka hinungdan. Gani hangtod karon wala pay pagtuon sa mga eksperto nga makatino sa hinungdan gawas lang sa pagtuo nga modebelop ang sobrang kahadlok diha sa kultura nga kahimtang ug eksperensiya sa kinabuhi. 

Kun unsay paagi pagsulbad sa maong problema gisugyot ang pagbisita og psychiatrist o kaha doktor para pag-atiman sa medikasyon.

Sa habig sa nagpadala sa problema nga tagoon lang nato sa ngalang Ondo nahimoot ko nga naluoy sa iyang kahimtang. Mapugos na lang daw siya pag-sul-ob og diaper para dili haw-ang iyang paglihoklihok.

Hehehehehehehehehe! Mahimong tinonto lang ang iyang sugilanon apan sa  tinud-anay nga kahimtang og nganong namogna ang terminong snickophobia nagpasabot nga duna gyuy mga binuhat nga dunay kahadlok pagtan-aw, paghikap ilabina ang pagsul-ob sa maong sapot.

Kun naa kining maong matang sa kahadlok unsa man kahay gisul-ob no sa dunay ingon ini nga problema panahon sa atong bayaning si Lapu-lapu.

Duna sad kahay nagbaton og tumang kahadlok sa bahag? (Toink!).

(Dihay lalaki nakig-date sa iyang uyab)

Senyang: Ngano man ka oy segi ka man og panlingi?

Bitoy: Naa man gud koy phobia Day.

Senyang: Unsa nga Phobia?

Bitoy: Wifephobia(Aguy!/Toink!)

Hehehehehehehehehehehehe!

(emailad: [email protected].)