Ang Kasaysayan karon Hulyo 23

Paralitikong utokan

1864—Natawo ang usa sa labing utokan nga lider sa rebolusyon batok sa mga Espanyol dinhi sa Pilipinas nga si Apolinario Mabini. Si Mabini kinsa gisaludohan sa mga Amerkanong opisyales tungod sa ka-lantip sa mga pamahayag ug mga panglantaw niini sa kaugmaon sa mga Filipino gianggaan nga “the Sublime Paralytic.” Gipanganak si Mabini sa Tanauan City, Batangas apan nataptan siya og ‘infantile paralysis’ nga nakaingon sa iyang pagkabakol. Bisan pa man niini siya maoy natudlong labing unang primero ministro sa Pilipinas ilawom sa administrasyon ni Gen. Emilio Aguinaldo ug maoy nagsulat sa labing unang Konstitusyon sa Unang Republika ng Pilipinas niadtong 1899-1901. Mismong si Gen. Douglas McArthur Jr., ang amahan sa popular nga heneral nga si Gen. Douglas McArthur, mihulagway kang Mabini nga maoy labing utokan nga lider sa mga Filipino.

Health Centers

1904—Namatay ang English pathologist nga si Sir John Simon sa Britanya nga maoy miinsister nga kinahanglang adunay reporma nga buhaton sa pagsiguro sa kaluwasan sa publiko gikan sa mga sakit. Si Simon nasakop sa Epidemiological Society niadtong 1850 ug misumitir og report ngadto sa Parliament nga kinahanglang ang tanang bata mabakunahan batok sa sakit nga smallpox, siya usab maoy mipasabot sa kamahinungdanon nga pangunayan sa mga inahan ang pagpadako sa ilang mga anak aron ang mga bata mabuhi. Tungod sa iyang mga reporma napasar ang Public Health Act of 1848 nga miresulta sa pagtukod og mga health centers, paghimo og mga kanal, pagkolekta sa mga basura, pagpaayo sa mga dalan ug limpyong tinubdan sa tubig. Ang ubang kanasuran sa kalibutan mikopya sa gihimo ni Simon.