Sa kasaysakayn karon

Associacion Hispano-Filipina

CEBU, Philippines - 1888—Unang natuki sa mga Filipino-Spanish dinhi sa Pilipinas ang pagtukod og organisasyon nga motabang sa paglambo sa Pilipinas ug paghatag og kahigayonan sa mga Pilipino nga may representasyon ngadto sa Cortes (Parliament sa Espanya). Kini mao ang gitawag nga Associacion Hispano-Filipina nga unang gipaila ni Miguel Morayta niadtong Enero 12, 1899 didto sa Espanya. Ang unang tumong niini mao nga tarungon ug palig-unon ang sistema sa edukasyon nga kinahanglang adunay kagawasan gikan sa impluwensya sa mga kaparian. Ang katukoran sa maong organisasyon maoy una nang gihulagway ni Dr. Jose Rizal nga mao unyay mamahimong sinugdanan sa pagsulbong sa rebolusyonaryong panghunahuna sa mga Filipino. Ang organisasyon nabahin sa tulo, ang political gipangulohan ni Marcelo H. del Pilar; literary section gipangulohan ni Mariano Ponce ug ang sports section gipamunoan ni Tomas Arejola. Niadtong 1896 nagsugod ang rebolusyon.

Pinakabatang piloto

1989—Ang labing bata nga piloto nga nakalibot sa tibuok kalibutan mao ang 11-anyos nga si Tony Aliengena, kinsa malampusong nakabalik og tugpa sa iyang Cessna 210 Centurion diha sa John Wayne Airport sa Orange County, CA,USA. Ang biyahe sa bata milanat og pito ka semana sa distansyang 21,567 milya. Lakip sa iyang giadtoan sa maong biyahe mao ang Soviet Union, na-crash usab siya dihang padulong na unta siya og lupad gikan sa Alaska dihang ang amahan sa bata nga mikuyog kaniya maoy nagkontrol sa abyon aron makapahuway ang bata. Hinuon walay seryosong kadaot nga nahiaguman sa duha ug nakapadayon sila og biyahe. 9-anyos pa si Aliengena dihang nakat-on sa pag-piloto og abyon.

Public Enemy No. 1

1934—Ang notadong tulisan og bangko sa nasud sa US niadtong dekada 30 nga gideklarar sa gobiyerno sa Amerika nga Public Enemy No. 1 nga si John Dillinger gipusil patay sa mga sakop sa Federal Bureau of Investigation diha sa gawas nga bahin sa Chicago Biograph Theater. (BANAT NEWS)