Mi-AWOL sa trabaho napalgan sa dagat

CEBU, Philippines - Usa ka 24- anyos nga technician ang nakaplagang patay nga naglutaw sa may Cansaga bay bridge duol sa barangay Paknaan sa dakbayan sa Mandaue niadtong Biyernes sa buntag .

Giila ang patay’ng lawas mao si Johanes Brigoli, nga taga lungsod sa Borbon apan kasamtangang nagpuyo sa barangay Banilad sa dakbayan sa Mandaue kinsa nailhan tungod sa iyang ID diha sa iyang wallet uban sa P1,650 nga salapi. Nasuta sa iyang ID nga siya usa ka kawani sa kompanya sa motorsiklo ug nasuta nga usa ka buwan na kining wala mosulod sa trabaho.

Base sa nakuhang impormasyon sa kapolisan gikan sa mga kauban sa trabaho ni Brigoli duna kini sakit nga kalit mawad-an og umoy. 

Uwahing nakit-an si Brigoli niadtong Huwebes sa hapon ubos sa taytayan nga nagpaso-paso nga nagtan-aw sa mga mananagat ug naligo sa dagat apan kalit kining mitidlom ug wala na molutaw.

Gisuwayan kini pagpangita apan Biyernes na kini nakaplagan ug patay na. (BANAT NEWS)