Ulitawong taga Borbon nalumos sa Mandaue

CEBU, Philippines - Patay na nga naglutaw-lutaw sa   dagat sa Kansaga Bay, sa barangay Paknaan, dakbayan sa Mandaue ang usa ka ulitawo nga taga lungsod sa Borbon kagahapon sa alas 6:00 sa buntag.

Si PO1 Marco Malcom sa Mandaue City Police Station miila sa biktima nga si Johannes Brigoli, 24, ulitawo, nga taga Borbon.

Matud pa ni POl Malcom nga ang usa ka mananagat nga si Hermie Judilla nga taga Paknaan maoy nakakita sa lawas patay ni Brigoli nga naglutaw-lutaw ilawom sa taytayan nga miburot na. Gituohan sa kapolisan nga nalumos sa dagat ang biktima.  (BANAT NEWS)