LP sa Talisay di motipon sa Alayon

CEBU, Philippines - Ang mga supporter sa Liberal Party (LP) sa unang distrito sa probinsiya sa Sugbo dili uyon nga makig-alyansa ang maong partido sa Alayon, matud ni Konsehal Romeo Villarante.

Kinit tungod kay matud pa niya usa ka dakong kataw-anan kay ang mahitabo inig-abot sa eleksyon silang mga sakop sa LP  makig-atbang ra usab sa LP nga kandidato.

Apan mibahad si Villarante nga kun magtipon gyud ang LP ug Alayon, mohimo sila og kaugalingon nilang line-up sa mga kandidato sa oposisyon nga itabang nila sa LP-Alayon versus LP,Gibutyag usab ni Villarante nga dihang gitagbo sila ni gubernatorial candidate Hilario “Jun Jun”, Davide III sa LP niadtong Biyernes, wala kini mohatag og pinal nga desisyon bahin sa sugyot nga mag-alyansa ang LP ug Alayon.

Hinuon gimontar na ni Kongresista Eduardo Gullas ang line-up sa mga kandidato sa Alayon nga pangunahan niya isip mayor ug ni Vice Mayor Alan Bucao isip vice mayor.

Ang apo sa kongresista nga si Gerald Anthony “Samsam” Gullas Jr. maoy mokandidato pagka-kongresista sa unang distrito sa lalawigan. (BANAT NEWS)