Pagyukbo!

Kabahin sa kinabuhi ang pagkatawa. Apan kun akoy pangutan-on duha ang klase sa pag-agik-ik. Dunay talidhay tungod sa kalipay ug talidhay tungod sa kahimoot. Mahimong makalibog kun kutikutihan ka apan yano lang ang buot nakong ipasabot. Ang katawa sa kalipay tungod sa kalamposan ug ang katawa tungod sa kahimoot.

Kun alang kanimo ordinaryo lang nga kahimuot ang katawa nga natampo sa mitaliwan nga giilang hari sa komedya nga si Dolphy, namong mga tigpakatawa usa ni ka talagsaong kaalam ug tahas sa kinabuhi.

Dili tanan ang dunay samang kapabilidad. Kun unsa kasayon ang pagpahilak ingon kalisod ang pagpakatawa, samang kun ingon ka kasayon pahilakon ingon ka usab kalisod pakataw-on.

Tinulo lang sa abilidad sa giilang hari sa komedya kining ubos ninyong alagad. Apan isip kabahin sa kalibotan sa komedya tugoti ang akong pagpaambit sa mapaubsanon ug matahurong pagyukbo sa hingpit na nga pagpahulay sa giilang pundasyon ug dogokan sa kalibotan sa katawa sa nasud nga Pilipinhon.

Agig pag-ila sa dakong natampo sa hari sa komedya. Pagbangotan man ang angay maghari sa iyang hingpit na nga pagpahulay ang iyang mithi ug tahas ang akong isukli sa iyang pagbiya sa mga buhi. Ang pagpadayon sa paglingaw ug paghatag og kahimoot bisan sa makadiyot sa wanang sa hagit sa kinabuhi. (Dihay nagpabunyag og triplets nga fans kaayo ni Dolphy)

Pari: Unsa may ngalan ining una?

Bitoy: Dol-P (Dolphy) Padre.

Pari: Ang sunod?

Bitoy: Dol-P gihapon Dre.

Pari: Oy dili pwede, pareho rag ngalan imong mga anak.

Bitoy: Ah! Kuan na lang Padre Dol-P man to ang una, kuan na lang Dol-Q ug Dol-R ang   duha para sunod(Toink!/Aguy!)

Hehehehehehehehehehehehehehe!

(Dihay maestro fans kayo ni Dolphy)

Mana: Use the name Dolphy in a sentence 3 times Bitoy.

Bitoy: 3 times gyud Mam?

Mana: 3 times gyud.

Bitoy:  My brother’s name Dolphy was called by my mother.

Mana: O kausa ra man magamit ang Dolphy ingon ko katulo.

Bitoy: Ay sus Mam, bungol bungol man na ako igsoon, sigurado gyud ko pagtawag ni Nanay ana gyud to Dolphy, Dolphy, Dolphy asa ka tubag (Toink!/Aguy!)

Hehehehehehehehehehehehehehe!

(Dihay managhigala nanghambogay sa ilang mga idolo)

Buloy: Ngilngiga gyud sa akong idolo nga si Erap daghan og tsiks oy 10 ka buok.

Menggoy: Gamay ra na sa tsiks ni Ramon Revilla 15 ka buok.

Bitoy: Layo ra na kang Dolphy 27 ka buok gyud.

Buloy/Menggoy: Giunsa gud nimo pagkahibawo nga 27 ka buok?

Bitoy: Alphabitical Order man nang iyaha from A to Z. Gikan ni Alma hangtod kang Zha-zha (Toink!/Ayay!)

Hehehehehehehehehehehehehehe!

(emailad: [email protected].)