Namingwit giataki sa sakit patay

CEBU, Philippines - Usa ka mananagat kinsa gituohan nga giatake sa sakit sa kasingkaing busa namatay samtang nanagat didto sa sitio Pook, barangay Poblacion, lungsod sa Moalboal sa miaging Biyernes sa hapon.

Ang biktima giila nga si Premetibo Reducto, 53, molupyo sa lungsod sa Dumanjug. Si PO2 John Robert Sacan sa Moalboal Police Station mibutyag    sa Banat News nga namingwit sa daplin sa baybayon si Reducto uban sa iyang anak ug igsuon sa maong adlaw.

Apan nianang pagka-alas 3:00 sa hapon dihang mamauli na unta sila wala na   hikit-i sa iyang anak ug igsuon ang biktima busa ila kining gipangita.

Apan nakurat na lang sila dihang ila kining nakita nga nag-ubo na    sa daplin sa baybayon nga wala nay kinabuhi.

Gipahibawo dayon nila ang kapolisan kinsa maoy mitabang kanila sa paghatud  sa biktima ngadto sa Moalboal Health Center diin kini ideklarar nga patay na.

Gituohan sa kapolisan nga giatake sa sakit sa kasingkasing ang biktima apan giawhag nila ang tagtungod nga ipa-autopsy kini aron masuta kun wala bay foul play   ang iyang kamatayon. (BANAT NEWS)