Facebook dili gyud pribado - STC

CEBU, Philippines - Ang kadagkuan sa St. Theresas College mihangop sa gipasakang petisyong ‘habeas data’ nga gisang-at sa mga reklamanteng estudyante batok kanila. Si Atty. Joan Largo, legal counsel sa STC, mibutyag nga susama lang nga miangkon sila (reklamante) nga ang ilang gi-post sa usa ka social networking site adunay mga malaw-ay nga hulagway.

"The petition brings to light the importance of cyber responsibility that has a far reaching effect on the parents, minors and the public in general.The facts admitted by petitioners in their petition are that they have Facebook accounts containing photos, some of which shows them on their "undergarments (e.g., bra)". The facebook accounts have "friends only" setting," tipik sa pamahayag ni Largo.

Gipasabot ni Largo nga ang pagbutang og hulagway sa usa ka social networking sites walay kasiguradoan nga kini mamahimong pribado tungod usab kay ang imong higala nga makakita niini pwede rang mokuha sa imong hulagway.

“With the emergence of the internet age and with social media forming part of our daily living, we are faced with new challenges that requires discernment and guidance,” matud pa ni Largo.

Kahinumduman nga niadtong buwan sa Marso ning tuiga nahimong kontrobersiya ang STC human wala nila papasoha ang lima ka tinun-an sa high school human nasayran sa management nga aduna silay mga hulagway nga gikonsiderar sa STC nga kalapasan sa ilang student manual. (BANAT NEWS)