Sa kasaysayan karon - Hulyo 12

Bakuna kontra TB

1863—Natawo ang usa sa mga nakadiskubre ug mipalambo sa bakuna batok sa sakit nga tuberculosis (TB) nga si Albert Calmette. Si Calmette usa ka French bacteriologist nga nahimong tinun-an sa Louis Pasteur Institute sa Pransya ang nag-unang epidemiology school sa maong nasud hangtud karong mga panahona. Ang sikat karong bakuna batok TB nga mao ang anti-TB vaccine Bacillus Calmette-Guerin (BCG) ginama ug gipalambo ni Calmette ug usa ka kaubang bacteriologist nga si Camille Guerin.

Lung Cancer and Smoking

1957—Si U.S. Surgeon General Leroy Burney, kinsa milingkod sa maong pwesto gikan sa 1956 ngadto 1961 mipagawas og report nga dunay koneksyon ang pagpanigarilyo ug lung cancer. Si Burney nga hinabako usab maoy labing unang opisyal sa gobiyerno nga midawat ug mipublikar sa maong pagtuon. "It is clear that there is an increasing and consistent body of evidence that excessive cigarette smoking is one of the causative factors in lung cancer." Tungod sa maong pamahayag tanang mga kaha sa sigarilyo sa Amerika sugod 1959 gibutangan na og “warning” kabahin sa makadaot nga epekto sa sigarilyo ngadto sa tawo. Si Burney namatay Hulyo 31,1998 sa edad nga 91. Kini human siya mobiya sa pagpanabako.