CEBU, Philippines - Naguyod ang patay’ng lawas ug nalatayan pa gyud sa ligid sa Ceres bus ang trabahante sa usa ka pabrika diha sa Danao human madasmagi ang gimaneho niining motorsiklo sa ilang panagsugat sa highway sa barangay Estaca sa lungsod sa Compostela kagahapon sa alas 6:20 sa buntag.
Ang patay dihadiha mao si Roel Inoc, 38, taga Poblacion Occidental lungsod sa Consolacion. Nabalhog na sa karsel ang drayber sa bus nga dunay body number 8726 nga mao si Ronillo Alarde, 50, taga Sunrise Village siyudad sa Sugbo. Matud ni PO2 Fedelito Jopia sa Compostela Police Station sa Banat News mi-overtake ang bus sa gisundang sakyanan apan gikasugat niini ang biktima (BANAT NEWS)